پوهنې وزارت د څه کم ۹ نيم ميليونه افغانيو په لګښت د کابل په ښوونځیو کې روغتيايي مرکزونه جوړوي

پوهنې وزارت ویلي، چې د یوه کورني خیریه بنسټ په مرسته د کابل ښار په شپږمې او اوومې ښوونیزو ناحیو کې د ایمینی، سلطان راضیه، غازي ادې، چهلستون، سردار کابلي او قلعه بهادر ښوونځیو کې د روغتیایي مرکزونو جوړولو او نورو اسانتیاوو لکه، د سیپټیک څاګانو کیندل، د اوبو رسولو سیسټم، د کثافت دانیو نصبول او د ښوونځيو دننه د سړکونو د غاړو جوړولو چارې،  چې ټول لګښت یې ۹ مېلیونه ۴۶۶ زره ۸۱۲ افغانۍ دي، پیل شوې.