کابل ښاروالي په يوه خبرپاڼه کې د یو میلیارد افغانیو په لګښت خصوصي سکټور ته د څلورو مارکېټونو له سپارلو خبر ورکوي.
د دغې ادارې مسوولین وايي، ۳ نور مارکېټونه به هم د خصوصي سکټور په واک کې ورکړي او ټول لګښت یې څه باندې ۲ اعشاریه ۶ میلیارده افغانۍ کېږي.
دا په داسې حال کې ده، چې د کابل ښاروالۍ مسوولان وايي، چې په نږدې راتلونکي کې به دوه نور لوی مارکېټونه هم جوړ کړي، چې یو به یې د سرو زرو د پلورونکو لپاره او بل به یې د وچې مېوې د پلورونکو لپاره ځانګړی وي.