په کاپیسا کې د شر او فساد ډلې دوه غړي له منځه وړل شوي او یو یې ژوندی نیول شوی دی.
امنیتي سرچینو هندوکش غږ ته ویلي، په کاپیسا ولایت کې یې د شر او فساد ډلې دوه غړي له منځه وړي او یو یې ژوندی نیولی دی.د سرچینې په خبره، د شر او فساد یوې ډلې غوښتل چې په کاپیسا کې پر یوه پوسته برید وکړي؛ خو له برید وړاندې د استخباراتو ځواکونو له لوري برید شنډ او غړي یې هم له منځه یوړل شول.
یادې سرچینې ویلې، بېگاه شپه یوه بجه د استخباراتو ځواکونو دوه تنه نصرالدین او بل تن له برید مخکې له منځه یوړل او د دې ډلې یو غړی یې ژوند ونیو، چې دوه میله کلاشینکوف، دوه قبضې راکېټ، یو دانه د شپې دوربین او گڼ شمېر مهمات هم لاسته ورغلل.د استخباراتو ځواکونو له دې وړاندې هم د شر او فساد ډلې گڼې ځالې له منځه وړي دي.
پر افغانستان د طالبانو د بیا واکمنۍ راهیسې په هېواد کې د داعش سربېره د شر او فساد ډلې په نامه هم یوه ډله جوړه شوې ده؛ خو د امنیتي ځواکونو له لوري یې د گڼو بریدونو مخه نیول شوي او غړي یې له منځه وړل شوي دي.