د کورنیوچارو وزارت د يوې خبرپاڼې په خپرولو سره وايي چې د ياد وزارت وزير وزیر خلیفه سراج الدین حقاني کابل کې د چین له سفیر ژاو شينګ سره کتلي.
خبرپاڼه وايي د کورنیو چارو سرپرست وزیر خلیفه سراج الدین حقاني د چین له سفیر سره په یوه ناسته کې د واخان دهلیز د ستراتیژیک اهمیت، د سوداګریزو اړیکو د پراختیا او د مسافر وړونکو الوتنو د زیاتېدو په اړه خبرې وکړې.
د خبرپاڼې پر بنسټ په دې لیدنه کې دواړو لوریو د دوه اړخیزې همکارۍ پر لا پیاوړتیا او د عملي ګامونو پر اړتیا ټینګار وکړ.