د کورنیو چارو وزارت خبر ورکړی چې امنیتي ځواکونو په څو جلا اقداماتو کې اووه تنه د ۷۸ زره جعلي افغانیو په تړاو په ننګرهار، شپږ غله په هرات، درې غله په هلمند او درې تنه د ماین جوړولو په تړاو له ۱۳ کیلو ګرامه باروتو سره د بلخ ولایت په مربوطاتو کې نیول شوي دي.
د یاد وزارت په وینا، همداراز د هلمند امنیه قومندانۍ امنیتي منسوبینو د پلټونکي عملیاتو پر مهال د د دغه ولایت د مرکز لښکرګاه ښار د لومړۍ امنیتي حوزې په اړوندو سیمو کې ۵ میله وسلې، ۲۶ سیټه لاسي مخابرې او ګڼ شمېر نظامي تجهیزات نیولي دي.
کورنیو چارو وزارت زیاتوي، امنیتي ځواکونو د نیول شویو وسلو او مهماتو په تړاو یو تن هم نیولی دی.