واشنګټن پوسټ ورځپاڼې لیکلي چې، ګوګل شرکت د صهیونیستي رژیم له دفاع وازرت سره له ۲۰۲۱ کال را په دېخوا په ویجاړیو او انسان وژنه کې مرسته کړې.
واشنګټن پوسټ د افشاء شویو اسنادو پر اساس لیکلي، چې ګوګل شرکت د صهیونیستي رژیم پوځ ته د تر ټولو پر مخ تللې ټکنالوژۍ «AI» ته د لاسرسي اجازه ورکړې وه.
راپور ليکي چې ګوګل د صهیونیستي رژیم دفاع وزارت او پوځ ته نېغ په نېغه د دې اجازت ورکړی و، چې د «ګوګل کلاوډ کمپیوټنګ کنټرکټ» څخه په خپله خوښه ګټه واخلي چې د ګوګل او صهیونیستي اسرائیلو ترمنځ دغه تړون د «Nimbus Project» په نوم هم شهرت لري.
د یادونې وړ ده، چې تېر کال د ګوګل شرکت یو شمېر کارکوونکو د یاد تړون پر ضد لاريونونو کې ویلي وو، چې د ګوګل «انيټلي جنس» د فلسطينيانو په شهادت او هغوي ته په ضرر رسولو کې مرسته کوي.