مشهور مصري لیکوال، یحیی غانم پر افغان خاوره د پاکستان برید ته په غبرګون د دغه هېواد د حاکم ګوند پر مشر شهباز شریف توندې نیوکې کړي او هغه یې د امریکا ګوډاګی بللی دی.
نوموړي پر خپلې اېکسپاڼه لیکلي: «شهباز شریف د امریکا ګوډاګی دی، چې د عمران خان پر ضد د یوې سیاسي کودتا له لارې واک ته ورسول شو.»
نوموړي وړاندې شهباز شریف د مصر له ولسمشر عبد الفتاح السیسي سره تشبیه کړې او زیاته کړې یې ده، د غزې پر وړاندې د سیسي دریځ او د افغانستان پر وړاندې د شهباز شریف دریځ یو شان دی.
نوموړی خبرداری ورکړی، چې امریکا او اسرائیل هڅه کوي چې پاکستان بې ثباته کړي او د دې هېواد اټومي وسلې تر خپل کنټرول لاندې راولي؛ خو «ایا پاکستان کې داسې څوک نشته چې دا کم عقل (شهباز شریف) پوه کړي؟»