نشنل انټرسټ مجلې په یو مطلب کې د مسکو د تېرې اوونۍ برید او له امله یې راتلونکي کې د طالبانو او روسیې اړیکو ته کتنه کړې ده.
تیره اوونۍ د روسیې په پلازمېنې مسکو کې د داعش – خراسان په برید کې ۱۴۴ تنه ووژل شول او لسګونه نور ټپیان شول.
نشنل انټرسټ د سیاسي چارو د کارپوه ډاکټر کاټز کلارک له قوله لیکلي چې د مسکو برید روسیه اړ کوي چې له طالبانو سره په ګډه د داعش – خراسان پر ضد کار وکړي.
لیکوال وایي، طالبان د روسیې له پاره ښه ملګری دی ځکه لکه د ایران پر څیر لویدیځ – ضد دي.لیکوال زیاتوي، د مارچ د ۲۲ مې برید به روسیه طالبانو ته ښه نږدې کړي.
د سیاسي چارو بل کارپوره نیکولا میکاویچ رسنۍ ته ویلي، روسیه به ممکن په مسکو کې د طالبانو د استازو کوربتوب جاري وساتي او هڅه به وکړي چې له کابل سره اړیکې پیاوړې.
د هغه په وینا، روسیه به د داعش – خراسان له پاره له تاجکستان سره هم اړیکې پیاوړې کړي.د مسکو خونړی برید افغان حکومت غندلی دی.
افغان حکومت د داعش پر ضد د سختې او اوږدې بریالۍ جګړې تجربه لري.
د افغان حکومت او روسیې نږدې کیدل کولی شي چې د افغان حکومت د نړیوالې سیاسي انزوا لږولو کې هم مهم رول ولوبوي.