پاکستانۍ ډان ورځپاڼې راپور ورکړی، چې د پښتونخوا وزیر اعلی سهیل افریدي په مشرۍ د پاکستان تحریک انصاف ګوند لاریونوالو/کاروان بېګاه شپه په کوهاټ کې تېره کړه او نن سه شنبه به د پېښور په لور سفر پيل کړي او شپه به په متني سیمه کې وکړي.
د معلوماتو له مخې، دا کاروان به د اکتوبر په ۸مه شپه پنجاب سره په پوله، خیراباد سیمه کې وکړي او بیا به افریدی د راتلونکي پلان په اړه وغږیږي.
ياده دې وي، چې پرون افریدي کاروان ته وینا کې ويلي و، چې دا ځل د ګوند مبارزه اوږدمهاله ده، زغم او دوامداره بسیج ته اړتیا لري او دټ پېغام واضح دی «خیبر پښتونخوا د عمران خان ده، د عمران خان وه او د عمران خان به وي.»
د ويلو ده، چې د تحريک انصاف روان لاريون ښايي د پاکستان په تاريخ کې تر ټولو ستر او له کړکېچ ډک لاريون وشمېرل شي.