لیکوال: منصور أحرار
د اتریش په پلازمېنه ویانا کې د افغان حکومت د استفراق شوو مخالفینو تورو څهرو، تښتېدلو، شړل شوو، ازمایل شوو او قومي تعصب کوونکو له لوري یوه غونډه جوړه شوې وه چې مختلفو پخوانيو غلو او د شر و فساد ډلو مشرانو ګډون پکې کړی وو.
دوی ته باید وویل شي چې: تاسو د افغان ولس له لوري استفراق شوي یاست، دلته ازمایل شوي یاست، امتحان مو ورکړی دی، په غلاء، اختطاف او نورو ناوړه اعمالو کې کامیاب شوي یاست، هېڅکله به د افغان مسلمان نظام او ولس په مقابل کې یوې مثبتې نتیجې ته و نه رسېږئ.
تاسو خو هماغه شرمښان او لېوان یاست چې د څو ډالرو په مقابل کې مو ټول عنعنات او اسلامي احکام تر پښو لاندې کړل او د ناټو/امریکا په فرمایش مو پر افغان مسلمان ولس قسماقسم ظلمونه او وحشتونه کول.
تاسو په دې ناسته کې یو ځل بیا په دې خبره اتفاق سره کاوه چې څنګه د افغان مسلمان ولس اوسنۍ حاکمه خوشحالي یو ځل بیا په غم بدله کړو او یو ځل بیا خپل نجس لاسونه د افغان مسلمان ملت په وینو سره کړو.
تاسو باید په دې وپوهېږئ چې هغه افغان ملت چې تاسو ورته په شاتو کې زهر ورکول، نن تاسو په صحي معنا پېژندلي یاست، تاسو یې تجربه کړي یاست، ستاسو لوېدلې او پاتې کارنامې یې په خپلو سترګو ولیدلې، هېڅکله به ستاسو په خبرو بیا و نه غولېږي او نه به بیا تاسو ته فرصت درکړي.
تاسو خو هماغه د ابلیس پلویان یاست چې د افغان ولس په منځ کې مو تفرقې اچولې، چا افغان نه مانه او چا اسلام نه مانه؛ تاسو خو هماغه خون خواره یاست چې شل کاله مو د نورو فرمایشاتو ته ګډا وکړله؛ تاسو خو هماغه نجسې څهرې یاست چې د نورو کفري هېوادونو پلانونه مو د مسلمانانو په مقابل کې پلي کول.
افغان ملت په دې ښه پوهېږي چې ستاسو اوسنۍ د ویانا غونډه د بهرنیو استخباراتي کړیو په اشاره رابلل شوې ده، چې په افغانستان کې استفراق شوي توري څهرې پکې رابلل شوې وې.
په غونډه کې ستاسو د ناستې او ولاړې کیفیت او کمیت هم مونږ ولیده، ته به وایې لکه د ابلیس په درسګاه کې چې سره راټول شوي یاست او د ابلیس له لوري د مسلمان ملت پر وړاندې لکچر درکول کېږي.
شرم وکړئ، په کمپ کې خو ذلیل وئ، خو دلته د غونډې په کلاس کې هم د ذلالت په سترګه درته کتل شوي؛ تاسو د خپلې ناستې کیفیت ته نظر کړی دی چې څنګه ناست یاست او څه شی مو مخې ته پراته دي؟ حتی یو بوتل اوبه مو لا په مخ کې نشته، خو تاسو دلته لا کم عقلان یاست چې نوري استخباراتي کړۍ د یکبار مصرف کار درڅخه اخلي، هغوی پوهېږي چې دا نجسې څهرې په هېڅ مصرف نه ارځي.
خو ذلیل به همېشه ذلیل وي، تاسو هېڅکله یو ځل بیا داسې ناکامه هڅه مه کوئ چې د ابلیس/ناټو په اشاره به یو ځل بیا مونږ افغان ولس تېرباسو؛ دا خوبونه مو اوبو ته ووایاست، ستاسو ګنده تاریخ تېر شو، تاسو نور په افغان ټولنه کې هېڅ ځای نه لرئ، له رب مو تل تر تله همداسې شرمنده او ذلیل غواړو.