د پنجشېر ولایت مقام څخه په خپره شوې خبرپاڼه کې راغلي، چې د کانونو او پترولیم وزارت لخوا نن د پنجشېر د زمردو دوه ورځنی نندارتون په دغه ولایت کې پرانېسته.
په خبرپاڼه کې زیاته شوې، چې دغه نندارتون کې زمرد، لاسي صنایع او یوشمېر نور توکي نندارې ته ایښودل شوي دي.
د دغه ولایت چارواکي وایی، چې د چین، ایران، ترکیې، امریکا او فرانسې یوشمېر پانګوال او شرکتونه پنجشېر کې دي او د اوسپنې په کانونو کې د پانګونې لپاره لېوالتیا لري.
د خبرپاڼې له مخې دا مهال په پنجشېر کې ۱۲ سوه کانونو ثبت شوي او د کیندنې لپاره یې نږدې ۶ سوه جوازونه وېشل شوي دي.
د پنحشېر زمرد په نړۍواله کچه له ښه نوم څخه برخمن دي او ښه بازار هم لري.