د کار او ټولنیزو چارو وزارت وايي، راتلونکې چهارشنبه په ټول هېواد کې عمومي رخصتي ده.
له یاد وزارت څخه په خپره شوې خبرپاڼه کې ویل شوي، راتلونکې چهارشنبه، د ۱۴۴۶ کال د صفرالمظفر۱۰مه، د ۱۴۰۳هجري شمسي کال د زمري ۲۴مه؛ د افغانستان اسلامي امارت په مشرۍ د امریکايي اشغال پر وړاندې د افغانانو د جهاد د بریالیتوب او فتحې ویاړلې ورځې له درېیمې کلیزې سره برابره په ټول هېواد کې عمومي رخصتي ده.
درې کاله وړاندې د زمري په ۲۴مه کابل د طالبانو له لوري فتح شو او د اگسټ میاشتې په ۳۱مه وروستی امریکايي له افغانستان څخه ووت.