په هېواد د شوروي او امریکایي یرغل وروسته د ښځو حقوق تلف شول؛ په افغاني فرهنګ کې د ښځو ارزښت په ډېره لویه کچه وو او ټول افغانان ورته په عزت او ډېر شرف قایل وو؛ په پښتنو کې دا دود وو، چې له دښمن سره به یې ښځه روانه وه، ده پرې ډز نه کاوه، ځکه چې بې غیرتي بلل کېده.
خو د امریکایي یرغل را وروسته د شر او فساد ډلې په توسط د ښځو ارزښت او قدرداني په منظم شکل د افغان ځوانانو له ذهنونو وتوږل شوه او په ټولنه کې د ښځو پر وړاندې تاؤ تريخوالی رامنځته شو.
د امریکایي داړه مارانو له شړلو وروسته هم د شر او فساد ډله په تنکیو ځوانانو او نجونو د خپلو ګټو لپاره لوبې کوي.
په غرب کې ناست د شر او فساد پروژیان په کاذبو وعدو ځوانان او خاصتاً نجونې د نظام خلاف کړنو او په نظامي عسکرو تورونو تړلو ته هڅوي، په داسې حال کې چې د نجونو پر وړاندې د تاؤ تریخوالي هیڅ داسې ثبوت نشته چې د دوی په حق کې دې ظلم شوی وي.
د غرب په بطن کې پراته د شر او فساد ملګري د خپلو شخصي پروژو د تطبیق په خاطر کله نجونو ته د خارج وعدې ورکوي او کله یو څو روپۍ، چې په بدل کې یې په خالي الذهنه ځوانانو او نجونو مظاهرې، کاذب تورونه تړل او په ټولنه کې د ګډ وډۍ اوازې خپروي.
د شر او فساد ملګري د خپل هدف د تر لاسه کولو وروسته نجونې او ځونان دواړه د لاسي کاغذ په څېر اېسته ګوزاروي.
د ښځو د حقوقو کاذب مدافعین په افغانستان کې د ښځو پر وړاندې د ټولو خنډونو او بدبختیو عاملین او اصل ایجادونکي دي، چې د یادو بدبختیو د ختمولو پر ځای یې د لا پړسوب هڅې او کوښښونه کوي.
د شیطان د لارویانو د دوکو او دجل له درک کولو وروسته لسګونه هغه نجونې چې دوی د خپلو شخصي اهدافو او د هېواد او اسلامي نظام د ویجاړۍ لپاره کارولې، په خپله اعتراف کوي، چې د شریرو او مفسدو د پیسو او خارج ته د تللو په کاذبو وعدو بې لاریو ته سَوق شوي دي.
دلته یې کتلای شئ:
https://x.com/NIQAB45/status/1841705508400398738?t=JAVUZ-bEbSoJMqokDARJOA&s=19
د شر او فساد د لارویانو دا بې ننګي د اسلام، پښتونوالۍ او افغانیت ټولو خلاف کړنه ده، دوی د ښځو شان او حیثیت په ټولنه کې له سختو کړاوونو سره مخ کړی دی.
د شیطان بنده ګان دې یا له ځان د افغانیت نوم لرې کړي او یا دې په افغاني رسم رواج لاړ شي، افغانان د مېرمنو په حیاء او ساتلو خپله ککرۍ شیندي د کېمرو مخې ته یې نه بربنډوي.
دلته یې کتلای شئ:
https://x.com/Salam_Wazirwall/status/1841678939044958510?t=6c4MQXroUVn55zn0lGDZTA&s=19
همدا له هېواد سره د فسادیانو جفاء او سخته ناځواني ده، چې د یرغلګرو له شړلو ورسته یې هم له دې ولس او ټولنې سره کوي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.