کورنيو چارو وزارت په يوه خبرپاڼه کې وايي چې د ننګرهار مرکز جلال اباد کې د ولايت د مقام مرستيال مولوي عزيز الله مصطفی او نورو ځايي مسؤلینو په هڅو د ۶۵ کلونو د ښمني پای ته ورسېده. او دواړو کورنيو روغه جوړه وکړه.
د ياد وزارت د خبرپاڼې پر بنسټ جلال اباد ښار کې په همدې موخه جوړه شوې جرګه کې دواړو کورنیو د ولایتي مسؤلینو له منځګړتوب او هڅو مننه وکړه او وعده یې وکړه چې له دې وروسته به په ورورۍ او دوستۍ خپل ژوند تېروي.
واک ته د اسلامي امارت له رسېدو او د مشرتابه د عفوې له فرمان صادرېدو راوروسته په تېرو درې کلونو کې د هېواد په کچه سلګونه د پېړيو او ډېرو کلونو خونړۍ دښمني او جنجالونه د مسؤلينو او اړونده ادارو په منځګړتوب له منځه تللي او روغې جوړې شوې دي.