د افغان حکومت ویاند مولوي ذبیحالله مجاهد د افغانستان د مشرانو د نیولو په اړه د جرمونو نړیوالې محکمې اعلان غندلی او ویلي یې دي، چې افغانستان یاده محکمه په رسمیت نه پېژني او د هغې موقفونو ته ارزښت نه ورکوي.
مجاهد ویلي، د افغان حکومت مشرانو داسې کوم کار نه دی کړی، چې د کومې محکمې له لوري د نیول کېدو یا مجازات مستحق وګرځي. نوموړي ټینګار کړی چې افغان حکومت د شریعت د احکامو او محکمو تابع دی، نه د «استخباراتي نهادونو او تش په نوم محکمو».
د افغان حکومت ویاند له ورته نړیوالو بنسټونو غوښتي چې د خپل حیثیت د ساتلو لپاره له خپل واک او صلاحیت څخه پورته ادعاوې ونه کړي.