د ټولګټو وزارت د اوسپنیزې کرښې مرستیال مولوي محمد اسحاق صاحبزاده په مشرۍ یوه پلاوي په اوزبکستان کې د ګډو ګټو هېوادونو د ریلي ترانسپورټ شوری په ۸۱مه غونډه کې ګډون کړی.
د ټولګټو وزارت ویاند، محمد اشرف حقشناس، وایي چې په دې غونډه کې د افغانستان د ریل پټلۍ په چارو کې د نړیوالې همکارۍ راجلبولو او د ریل پټلۍ او ټکنالوژۍ په بنسټیزه پراختیا خبرې شوې دي.
د حقشناس په وینا، یاده شوری کې د څارونکي غړي په توګه د افغانستان حضور منظور شوی او ډېر ژر به په رسمي ډول په دې شوری کې د څارونکي غړیتوب ترلاسه کړي.