افغانيالاصله پخواني امریکایي ډیپلوماټ زلمي خلیلزاد د اېکس په یو پیغام کې لیکلي، پاکستان له درې لویو سیاسي ، اقتصادي او امنیتي ننګونو سره مخامخ دی.
خلیلزاد د افغانستان او پاکستان ترمنځ وروستیو نښتو ته امنیتي، د پاکستان د تحریک انصاف ګوند زنداني مشر عمران خان بندي کولو ته سیاسي او په دغه هېواد کې په وروستیو لاریونونو کې د سلګونه پاکستاني وګړو وژل کېدو ته د اقتصادي او امنیتي ستونزو کلیمي کارولي دي.
نوموړي د اېکس په دې پیغام کې زیاته کړې، پاکستان بیا ځلي پیل ته اړتیا لري او دا باید د عمران خان له ازادۍ سره پیل شي.