پاکستاني رسنیو، د تحريک انصاف ګوند دننه د ځينو سرچينو له قوله خبر ورکړی، چې دا ګوند پلان لري چې د سپټمبر پر ۲۷مه ټول پاکستان وتړي او په لویو ښارونو کې پراخ لاریونونه ترسره کړي.
معلومات ښيي، چې تحریک انصاف ګوند اسلاماباد ته د تلونکي کاروان لپاره هم څلور بېلابېل پلانونه چمتو کړي دي.
سرچينو ويلي، د دې سربیره، ګوند پلان لري چې په دې ورځ ټول هیواد وتړي او په ټولو مهمو ښارونو کې لاریونونه وکړي.
تحريک انصاف ګوند، دا لاريونونه د خپل مشر عمران خان د خوشې کولو او دې ګوند ته د حق غوښتنې په موخه پلان کړي.