د بدخشان ولایت سیمهییزو چارواکي وایې، چې په تېرو لسو میاشتو کې یې د دغه ولایت له مرکز او ولسوالیو د ښځو او ماشومانو په ګډون ۱۲۰۰ تنه په نشهیی توکو روږدي کسان راټول کړي او د روږدو کسانو د درملنې مرکزونو ته یې معرفي کړي دي.
د بدخشان د امنيه قوماندانۍ د نشهيي توکو پر وړاندې د مبارزې مدیریت د معلوماتو د راټولولو امر عبدي محمد نسيمي ويلي، چې له دغو کسانو سربېره دا مهال څه باندې دوه سوه نور کسان هم په روغتيايي مرکزونو کې تر درملنې لاندې دي. د نوموړي په وينا، دا مهال په دغه ولايت کې د درملنې څلور دولتي او دوه خصوصي مشورتي مرکزونه فعاليت کوي.