ننګرهار کې د ختيځ زون د ملي پولیسو له ښوونيز او روزنيز مرکز څخه (۵۵۰) تنه منسوبین له مسلکي او عقیدوي زده کړو څخه فارغ او ټولنې ته د خدمت په موخه وړاندې شول.
له کورنیو چارو وزارت څخه د خپرو شویو معلوماتو له مخې یادو فارغ شویو منسوبینو ته، د ګزمې، چک پواینټ، تالاشۍ او د بېلابېلو وسلو کارولو او نورو امنیتي تکتیکونو او مهارتونو په برخو کې روزنه ورکړل شوې ده.
په همدې مناسبت جوړو شویو مراسمو ته د پولیسو د ښوونیز او روزنیز مرکز قومندان قاري رحمت الله نعماني ویلي چې «مجاهدینو ته يې له دا ډول مسلکي او شریعې زده کړو ورکولو څخه موخه د اسلامي نظام پیاوړی کول او د یو منظم امنیتي سیستم رامنځ ته کول دي، تر څو مجاهدین وکولی شي په ښه ډول د اسلامي نظام نماینده ګي وکړي او په هېواد کې د امنیت د لا ټینګښت لپاره نوي مهارتونه ترلاسه کړي.»