د صنعت او سوداګرۍ وزارت خبر ورکړی، چې د دې وزارت مرستیال مولوي احمدالله زاهد، نوي ډيلي کې له مېشتو افغان سوداګرو سره کتنه کې د ستونزو د حل، د افغاني محصولاتو او پانګې د خوندیتوب او د ناسالم رقابت د مخنیوي پر اړتیا ټینګار وکړ.
په دې ناسته کې افغان سوداګرو د سوداګرۍ پر وړاندې پرتې ستونزې د صنعت او سوداګرۍ وزارت له معین سره شریکې کړي او د ستونزو د حل او رسېدنې غوښتنه یې کړې ده.
په هند کې د افغانستان سفیر مفتي نور احمد نور ويلي، چې سفارت د سوداګرو ډېری ستونزو ته رسېدنه کړې او یو شمېر یې حل شوې دي.
مولوي احمدالله زاهد، افغان سوداګرو ته ډاډ ورکړی، چې پاتې ستونزې به له هندي چارواکو او اړوندو ادارو سره شریکې او د حل لپاره به یې هڅې وکړي.