د کابل امنیه قومندانۍ خبر ورکړی چې، د دې قومندانۍ اړوند د اوومې امنیتي حوزې پولیسو دوه ډلې غله نیولي دي.
سرچینه زیاتوي چې، لومړۍ ډله درې کسان دي، چې په کابل ښار کې یې په بېلابېلو سیمو کې د مختلفو تکتيکونو له لارې موټر غلا کول، چې د پولیسو له تعقیب او هڅو وروسته، له دوه عراده کرولا موټرو سره یو ځای نیول شوي دي.
د سرچینې د معلوماتو له مخې، دویمه ډله څلور کسان دي، چې د مبایلونو د غلا په قضیه کې نیول شوي او هغوی پر خپل جرم اعتراف هم کړی.