د ټولګټو وزارت ویاند محمداشرف حق شناس خبر ورکړی، چې د یاد وزارت سرپرست ملا محمد عیسی ثاني له دوو شرکتونو سره د میدان وردګ–لوګر نښلوونکي سړک د رغولو تړونونه لاسلیک کړي دي.
نوموړي زیاته کړې، چې یاد ۴۹ کیلومتره سړک به د ۷۱۳ میلیونه افغانیو په ارزښت د شاوخوا ۱۶ میاشتو په موده کې بشپړ شي.
د یادونې وړ ده، چې تېره اونۍ د یاد وزارت سرپرست د هرات–کندهار د وسپنيزې کرښې د تفصيلي ډيزاين او سروې اړوند پنځه تړونونه د شاوخوا ۲۶۴ ميليونو افغانيو په ارزښت له پنځو شرکتونه سره لاسليک کړل.