د راپورونو له مخې د پښتونخوا وزیر علی امین ګنډاپور یوې غونډې ته د وینا پرمهال د تحريک انصاف ګوند د مشر عمران خان د نيول کېدو په غبرګون کې د پاکستان حکومت ته ویلي که موږ له تاسو د غچ اخیستلو فکر وکړ؛ نو تاسو به یې ونه شئ زغملای.
نوموړي دغه څرګندونې تېره ورځ په خیبرپښتونخوا کې د پاکستان د وروستیو ټاکنو د لومړۍ کلیزې په مناسبت د تحریک انصاف ګوند په یوې جوړې شوې غونډه کې کړې دي.
ګنډاپور د پاکستان د تحریک انصاف ګوند مشر عمران خان ته په اشارې سره وویل، هغه په بند خونه کې ناست خو بیا يې هم وګټله؛ سره له دې چې تاسو حتی په پارلمان کې د ناستې پر مهال هم بایللې وه.
د پاکستان تحریک انصاف ګوند بیا دغه ورځ د «تورې ورځ» په توګه ولمانځله.