له پاکستان څخه د هندوکش غږ سرچينې وايي، چې د جمعيت علماء اسلام ګوند په خپل مشر مولانا فضل الرحمن د بريد په اړه اندېښنه لري او له پاکستان حکومت څخه یې د هغه د خوندیتوب او امنيت ساتنې غوښتنه کړې ده.
د ياد ګوند وياند محمد اسلم غوري له پاکستاني حکومت غوښتي، چې د ګډوډۍ خپرولو پر ځای خپل مسؤليت ته متوجه شي او په مولانا فضل الرحمن د احتمالي بريد مخه ونيسي.
ياده دې وي، چې په مولانا فضل الرحمن تر دې وړاندې هم خونړي بريدونه شوي وو، چې د ده لسګونه پلويان پکې وژل شوي وو، خو دی ترې ژوندی وتلی دی.