د روسیې د بهرنیو چارو وزير سرګي لاوروف ويلي، د اوکراين د جګړې د پای ته رسولو په اړه له امريکا سره د خبرو کولو په مېز، د اروپايي هېوادونو ګډون ته هېڅ اړتيا نشته.
نوموړي همدارنګه ويلي، «اروپايي هېوادونو له دې وړاندې هم څو ځل د ايران په اړه د سولې او خبرو غوښتنه رد کړې او دغه راز د روسیې په مقابل کې يې اوکراين سره مالي او پوځي مرسته کړې».
لاوروف دا خبرې داسې مهال کوي، چې ټاکل شوې په نژدې راتلونکي کې د اوکراين جګړې د پای ته رسولو لپاره د امريکا او روسیې ترمنځ په سعودي عربستان کې خبرې او ناستې پيل شي.