د مالیې وزارت د نفتي موادو د کیفیت او څارنې ریاست مسؤولینو خبر ورکړی، چې د ټاکل شویو معیارونو له مخې هیواد ته د واردېدونکو نفتي موادو کیفیت معلوموي، د هیواد له بېلابېلو ګمرکونو څخه (۱۲۴) ټانکره د ټیټ کیفیت لرونکي وارد شوي نفتي مواد یې بېرته مسترد کړي دي.
د ماليې وزارت د خبرپاڼې پر بنسټ په دغو نفتي موادو کې، چې د کیفیت له پلوه په معیار نه وو برابر، (۸۸) ټانکره ډیزل د فراه له ګمرک څخه، (۳۳) ټانکره ډیزل او (۳) ټانکره اوبلن ګاز د نیمروز ولایت له ګمرک څخه مسترد شوي دي.
ياده دې وي چې، تر دې وړاندې هم د هېواد په ګمرکونو سلګونه ټانکره بې کيفيته نفتي توکو ته هېواد ته د واردېدو اجازه نه د ده ورکړل شوې او بېرته مسترد شوي دي.