شېر کړئ Facebook Twitter بریښنالیک Telegram WhatsApp پاکستاني طالبانو د الخندق عملياتو په دوهمه ورځ پرون يکشنبه د پاکستان د پوځ، پوليسو، استخباراتي او نورو امنيتي ادارو په پوستو او موټرو ۳۳ بريدونه ترسره کړي چې په پايله کې یې لسګونه پاکستاني پوليس او پوځيان هلاک او ټپيان شوي دي.د معلوماتو له مخې پاکستاني طالبانو ياد بريدونه په بنو، ټانک، کرک، خيبر، شمالي وزيرستان، باجوړ، کوز دير، چترال، مردان، ديره اسماعيل خان، کويټې، پېښور، او جنوبي وزيرستان کې کړي، چې پکې د ماين چاودنې، تعرضي، لاسي بم، کمين، نښان ويشتونکي او ځوابي بريدونه شامل دي.د پرونيو بريدونو په لړ کې پاکستاني طالبانو تر ټولو پیاوړی بريد د خيبر ولايت د باړې ولسوالۍ په تيراه ادم خېلو په سيمه کې د پاکستاني پوځيانو يوه پوسته وو، چې لومړی یې د ليزرټوپک په مټ درې پوځيان هلاک کړي ورپسې یې په پوسته د سپکو او درنو وسلو پر مټ پراخ بريد پيل کړی چې په پايله کې یې پوسته تخريب، دننه پکې پنځه نور پوځيان هلاک شوي او د په مجموعي ډول په ياد بريد کې اته پوځيان هلاک شوي او پوسته په بشپړ ډول له منځه تللې.پاکستاني طالبان د الخندق عملياتو له پيل سره سم هره ورځ له پخوا په څو چنده پياوړي ډول پاکستاني پوځيان او عسکر په نښه کوي او درنه مرګژوبله وراړوي.
د هند دفاع وزیر راجنات سېنګ: که پاکستانی رژیم له خپل ناسم چلند څخه لاس وانهخلي، نو هند به داسې ځواکمن ځواب ورکړي چې نړۍ به یې یاد ساتي2 مارچ 2026
پخوانی پاکستانی پوځي افسر، عادل راجا: پاکستاني رژیم افغانستان ته د استول شویو وسلو پر نیول کېدو، د شرم پر ځای پر معصومو افغانانو هوایي بریدونه وکړل22 فبروري 2026
