Close Menu
    افغانستان

    بهرنيو چارو وزارت: پر غزې تړانګه د اسرائيلي رژيم د بريدونو بيا پيل په کلکه غندو او هرڅه ژر بايد د دې اشغال مخنيوی وشي

    عمران آغاڅرگندونې نشته1 دقیقه لوستل
    د افغانستان سرپرست حکومت د بهرنيو چارو وزارت د يوې اعلاميې په خپرولو سره د صهيونيستي رژيم له لوري د اوربند د تړون ماتول او په غزې تړانګې د بريدونو بيا پيل چې په ترڅ کې یې سلګونه عام خلک، ښځې او ماشومان شهيدان شوي، په کلکو ټکو غندلی او په نړيوالې ټولنې یې غږ کړی چې د دې يرغل مخنيوی بايد وشي.

    اعلاميه کې وړاندې راغلي «د صهيونيستي يرغلګرو دغه وحشيانه عمل د بشري حقونو او نړيوالو اصولو خلاف دی او اسلامي امارت په ټولو ذيدخله‌ هېوادونو غږ کوي چې، د فلسطين له ولس څخه خپل ملاتړ څرګند کړي او د اشغال د پای ته رسولو لپاره عملي اقدامات وکړي».

    بهرنيو چارو وزارت همدا راز د فلسطين قضيه د اسلامي امت يوه اساسي او ګډه موضوع بللې او د خپلو حقونو د ترلاسه کولو لپاره یې د فلسطيني وګړو له مبارزې په کلک ملاتړ ټينګار کړی دی.

    مربوطه لیکنې

    ځواب پریږدئ