د امربالمعروف، نهې عن المنکر او شکایتونو اورېدلو وزارت وایي، چې محتسبینو یې د میدان وردګ ولایت نرخ ولسوالۍ د سیمې د قومي مشرانو په ملتیا یوه مېرمن له ۱۶ کلن کورني تاوتریخوالي ژغورلې ده.
د یاد وزارت په وینا، ژغورل شوې مېرمن د خپل خاوند له لوري له تېرو ۱۶ کلنو راهیسې له هر ډول شرعي حقونو څخه بې برخې او کورني تاوتریخوالي سر مخ وه.
په دې تړاو د یاد ولایت د امر بالمعروف رئیس مولوي عبد الله محمد ویلي، چې د مشرتابه د فرمان او د امربالمعروف، نهې عن المنکر او شکایتونو اورېدلو وزارت د سپارښتنو پر اساس د مېرمنو د ټولو حقونو ورکړې او ساتنې ته ژمن دي او هڅه کوي چې په هېواد کې د مېرمنو پر وړاندې د تاوتریخوالي ډکو او ناوړه پېښو مخه ونیسي.
بل پلو د یاد ولایت ځایي اوسېدونکي د محتسبینو دا کړنې ستایلي او ډاډ یې ورکړی چې د ټولنې په اصلاح کې د محتسبینو تر څنګ ولاړ دي.