له خیبر پښتونخوا د هندوکشغږ ځایي سرچینه وایي، نامعلومه وسلهوالو لکي مروت ولسوالۍ کې د قیوم خان په نوم د عوامي نېشنل ګونډ مخکښ غړی په ډزو وژلی.
سرچینه زیاتوي، د پښتونخوا په چارسدې ولسوالۍ کې هم ناپېژانده موټرسایکل سپرو وسلوالو د پولیسو مرکز ته څېرمه کې د فاروق په نوم د پولیسو افسر په ډزو هلاک کړی.
د بریدونو پر دوام، د خیبر پښتونخوا د بنو ولسوالۍ اړوند صدر تاڼې په مربوطاتو کې هم ناپېژانده وسلهوالو په یو برید کې دوه پولیس افسران مرګوني ټپیان کړي دي.
د یادونې وړ ده چې، په دې وروستیو کې خیبر پښتونخوا کې د پاکستاني طالبانو او نور حکومت ضد غورځنګونو لهخوا نږدې هره ورځ پر پاکستاني پولیسو او پوځیانو مرګوني بریدونه ترسره کېږي.