له خیبر پښتونخوا د هندوکشغږ ځایي سرچینې وایي، پاکستاني طالبانو د ټانک ولسوالۍ په بېلابېلو سیمو کې د یو لړ عملیاتو په ترڅ کې څلور پاکستاني پوځیان ژوندي نیولي او خوندي ځای ته یې انتقال کړي دي.
سرچینه وایي، په نیول شویو کې، کومانډویي افسر اسحق، محمد رضا، سمیع الحق او د سلیمان په نومونو پوځیان شامل دي چې په ترتیب سره لومړیو دریو تنو ۲۰، ۱۹، او اته کاله د پاکستاني پوځ په لیکو کې خدمت کړی دی.
د یادونې وړ ده چې، پاکستاني طالبانو غوځنګ نښان ویشتونکو نن سهار د شمالي وزیرستان په میرعلي ولسوالۍ کې هم پاکستاني پوځیان هدف ګرځولي چې په ترڅ کې یې دوه تنه هلاک او یو بل مرګونی ټپي شوی دی.