د خوست ولايت مقام د خبرپاڼې پر بنسټ د خوست ښاروالۍ له لوري د شيخ زاهد پوهنتون ترڅنګ د نویو موټر پلورنځیو د سړک او لښتیو پروژه ګټې اخیستنې ته وسپارل شوه.
د سرچينې په وينا په دغه پروژه کې ۶۹۰ متره سړک، ۱۴۲۰ متره لښتي، ۶۰۰ متره لوی کانال، ۶۹۰ متره پلې لارې او درې پلچکونه شامل دي چې ۲۲ ميليونه افغانۍ لګښت پرې راغلی دی.
ياده دې وي چې د ښارواليو له لوري د ورته رغنيزو پروژو پلي کېدل په ټول هېواد کې روان دي چې د ښاري ښکلا، ترافیکي ګڼې ګوڼې په کمېدو او اقتصادي وده کې مهم رول لوبوي.