د کورنیو چارو وزارت وایي، چې د لغمان امنیه قومندانۍ او قومي مخورو په منځګړیتوب په یاد ولایت کې د دوه کورنیو ترمنځ ۲۴ کلنه دښمني په دوستۍ بدله شوه او یو بل ته یې بخښنه وکړه.
د یاد وزارت په وینا، یادو کورنیو د امنیه قومندانۍ مسوولینو، علماوو او مشرانو له هڅو مننه وکړه او ډاډ یې څرګند کړ، چې د خوښۍ او دوستۍ په فضا کې به خپل ژوند تر سره کړي.
د یادونې وړه ده، چې د سرپرست حکومت له بیا حاکمیت وروسته هېواد کې د کورنیو او قومونو ترمنځ له لسیزو پاتې ګڼ شمېر پخوانۍ دښمنۍ په دوستۍ بدلې شوي دي.