د امربالمعروف، نهې عنالمنکر او شکایتونو اورېدلو وزارت محتسبینو د روان لمریز کال په چنګاښ میاشت کې د ښځو د حقونو او ستونزو په تړاو ۱۲۰ قضیو ته رسېدنه کړې ده.
د یاد وزارت په وینا، په دې قضیو کې ۱۶ د میراث، ۱۴ د مهر، ۴۸ د ښځو پر وړاندې د تاوتریخوالي، ۳۵ د جبري ودونو او ۷ په بدو کې د نجونو د ورکړې قضیې شاملې دي.
وزارت زیاتوي، محتسبینو په دې موده کې ۲۵ کوډګر نیولي، ۸۸ لویې او کوچنۍ شخړې یې حل کړي او په ټول هېواد کې یې ۶۷۰ اصلاحي ناستې ترسره کړي دي.