د عامې روغتیا وزارت مسئولین وایي، په تېرو ۶ میاشتو کې د هېواد په کچه د ۴۲ زره او ۶۸۳ روږدو کسانو درملنه شوې ده.
د یاد وزارت ویاند شرافت زمان امرخېل نن چهارشنبه (د وږي، پنځمه) پر خپلې اېکسپاڼې لیکلي چې په تداوي شویو کسانو کې ۹۵۷ ښځې هم شاملې دي.
نوموړي زیاته کړې، چې په هیواد کې نږدې ۷۰ روغتونونه د روږدو درملنې ته ځانګړي شوي چې نږدې درې زره روغتیایي کارکوونکي په کې په خدمت بوخت دي.
د یادونې وړ ده، چې پر هېواد د اسلامي امارت له بیا واکمنېدو راهیسې لسګونه زره روږدي له ښارونو راټول او بېرته روغ رمټ خپلو کورنیو ته سپارل شوي دي.