Close Menu
    افغانستان

    د مولوي امیرخان متقي او جي شنکر ټلیفوني خبرې؛ هند له زلزله ځپلو سره مرسته افغان حکومت ته تسلیم کړه

    عمران آغاڅرگندونې نشته1 دقیقه لوستل
    ‏د افغانستان د بهرنیو چارو وزیر مولوي امیر خان متقي له خپل هندي سیال جې شنکر سره ټيلیفوني خبرې کړي.

    بهرنیو چارو وزارت وایي، جې شنکر د افغانستان په ختیځو سیمو کې د تېرې شپې د زلزلې له امله د اوښتو زیانونو په پار غمرازي شریکه کړه او همدا ډول يې د عاجلو بشري مرستو چې پکې زر خیمې او ١٥ ټنه غذایي مواد شامل دي اسلامي امارت ته د تسلیمولو خبر ورکړ.

    د یاد وزارت په وینا، نوموړي زیاته کړه، چې هیواد به يې د دوا او غذا په برخه کې نورې اړینې مرستې هم وکړي.

    ورته مهال ښاغلي متقي له خپل هندي سیال څخه په دې لوی ناروین کې د غمشریکۍ، خواخوږۍ او د افغانانو د لاسنیوي څخه مننه وکړه او اړمنو خلکو ته یې د یادو مرستو د پر وخت رسولو ډاډ ورکړ.

    د یادونې وړ ده، چې تر دې وړاند د هند لومړي وزیر نریندرا مودي هم له افغانانو سره خواخوږي څرګنده کړې او د مرستې ډاډ یې ورکړی دی.

    مربوطه لیکنې

    ځواب پریږدئ