رویټرز خبري اژانس راپور ورکړی چې د جاپان په سواحلو کې د ریښتر په کچه ۷.۶ درجې زروره زلزله شوې.
د راپور له مخې، تر دې زلزلې وروسته د دغه هېواد په اوموري ایالت کې سمندر ته څېرمه شاوخوا ۹۰ زره تنو ته د سیمې د تخلیې خبرداری ورکړل شوی دی.
د جاپان د هوا پېژندنې ادارې وړاندوینه کړې، چې ښایي د سمندر د اوبو څپې تر درېیو مترو لوړې شي.
د دغې زلزلې له امله د رامنځته شویو زیانونو په اړه راپور نه دی ورکړل شوي؛ خو لومړني مالومات ښیي چې شاوخوا ۳۰ تنه د تېښتې پر مهال ټپیان شوي دي.
د یادونې ده، چې جاپان کې تېره ورځ هم د رېښتر په کچه ۷.۲ درجې زلزله شوې وه.