د روسیې د بهرنیو چارو وزیر سرګي لاوروف چین ته د خپل رسمي سفر وروسته خبریالانو ته ویلي چې روسیه د اوکراین سره د شخړې د حل په اړه له امریکا سره د خبرو اترو هرکلی کوي او چمتو ده چې دوام ورکړي.
نوموړي زیاته کړې، چې هېواد یې د امریکا هغه وړاندیزونه منلي، چې د اوکراین د جګړې د «ځمکنیو واقعیتونو» د رسميت پېژندلو په اړه مطرح شوي دي.
د راپورونو له مخې، امریکا له اوکراین غوښتې وو، چې د جګړې د پایته رسېدو لپاره له هغو سیمو د روسیې په ګټه تېر شي چې روسي ځواکونو لاندې کړي دي.
لاوروف په خپلو خبرو کې پر اروپایي مشرانو هم نیوکې کړي او ویلي یې دي، چې بروکسل، پاریس، برلین او لندن د مسکو او کییف ترمنځ د خبرو د پرمختګ مخه نیسي.