والسټریټ ژورنال راپور ورکړی، چې د اسرائیلو لومړی وزیر بنیامین نتنیاهو د نړیوالو نیوکو، کورنیو اختلافاتو او له امریکا سره د اړیکو د ترینګلتیا له امله په ملګرو ملتونو کې تر بل هر وخت زیات له سیاسي انزوا سره مخ دی.
د دغې امریکايي ورځپاڼې په وینا، نتانیاهو په داسې مهال د ملګرو ملتونو عمومي غونډې ته وینا وکړه چې د اسرائیلو د راتلونکو ټاکنو په درشل کې پر نوموړي کورني فشارونه زیات شوي او له ولسمشر ډونالډ ټرمپ سره یې هم اختلافات ډېر شوي دي.
والسټریټ ژورنال ویلي، نتنیاهو غوښتل له ټرمپ سره په نیویارک کې وګوري، خو دا لیدنه ونه شوه. ورځپاڼې همدارنګه د اسرائیلو د سیاستونو پر وړاندې د عربي او نورو هېوادونو د زیاتېدونکو نیوکو یادونه کړې ده.