واشنګټن پوسټ ورځپاڼې راپور ورکړی، چې د شپږ اوونیو جګړې په لړ کې په هرمز تنګي کې د ماینونو ایښودلو او د سیمې له جغرافیایي وضعیت څخه په ګټې اخیستنې نږدې ټول تګ راتګ درول شوی دی.
راپور زياتوي، چې حتی د امریکا له خوا د بندرونو د کلابندۍ په شتون کې هم، د دې لارې تېرېدونکي له جدي خطرونو سره مخ دي.
د يادې ورځپاڼې په خبره، دا تنګی د نړۍ د انرژۍ او سوداګرۍ لپاره یوه حیاتي نقطه ده چې په امنیت کې یې خلل په نړیواله کچه اقتصادي او امنیتي اغېزې لري او د ایران اقدامات په سمندري ټرانسپورټ کې د لویو اندېښنو لامل شوي دي.