د روسیې لپاره د افغانستان سفیر او ځانګړي استازي، مولوي ګل حسن حسن د روسیې پيتيوګورسک ښار کې د قفقاز د پانګونې په نړۍوال فورم کې ګډون کړی.
یاد هېواد کې د افغانستان سفارت وایي، ښاغلي حسن د فورم په څنډه کې د داغستان له ولسمشر سره کتلي او پر دوه اړخيزو موضوعاتو يې ورسره خبرې کړې دي.
سرچینه زیاتوي، چې افغان سفیر پيتيوګورسک ته په سفر کې هلته له مېشتو افغانانو سره هم ليدلي او د سوداګرۍ د ودې ترڅنګ يې د شته ستونزو د حل په برخه کې پر ګډو همکاريو ټينګار کړی دی.