د پاکستان پوځي رژیم امنیتي چارواکو ویلي، چې تېر کال خیبر پښتونخوا کې د یاد رژیم پر امنیتي ادارو ۲۴۶ بریدونه شوي دي.
د خپرو شویو شمېرو له مخې، دغه بریدونه د خیبر پښتونخوا په دېره اسماعیل خان، ملکنډ، بنو، او پېښور ولسوالیو کې ترسره شوي دي.
ویل شوي، تر ټولو ډېر ۲۱۵ بریدونه په بنو کې ترسره شوي دي.
په ورته مهال د پوځي رژیم چارواکو د دغو بریدونو پر زیاتوالي اندېښنه ښودلې او ویلي یې دي چې د مخنیوي لپاره پرمختللو تخنیکي وسایلو ته اړتیا لري.
د معلوماتو له مخې، خیبر پښتونخوا کې د پاکستان پوځي رژیم پر امنیتي او پوځي مرکزونو ډرون بریدونه تر ډېره پاکستاني طالبانو کړي دي.
سرچینې وایي، چې د بریدونو د کچې لوړېدو د پوځي رژیم په امنیتي لیکو کې وېره خپره کړې او راپورونه ښيي چې د همدې وضعیت له امله سلګونه عسکر له خپلو دندو تښتېدلي دي.