د امریکا د ولسمشر ډونالډ ټرمپ فاکس نیوز ته ویلي، چې د هرمز تنګي د “ازادۍ پروژې” پر بیا پیل غور کوي.
نوموړي ویلي، دا ځل به د یادې پروژې ساحه یوازې د هرمز تنګي له لارې د بېړیو تر بدرګه کولو محدوده نه وي، بلکې پراخه به وي.
ټرمپ زیاته کړې، چې تر اوسه یې د دې پروژې د بیا فعالولو وروستۍ پرېکړه نه ده کړې.
نوموړي تېره اونۍ دا نوښت اعلان کړی و، خو وروسته یې له تهران سره د سولې د خبرو اترو له امله وځنډاوه.