فاکس نیوز راپور ورکړی، چې د امریکا ولسمشر ډونالډ ټرمپ “د وضعیت خونې” غونډه چې د ایران په اړه جوړه شوې وه، له شاوخوا دوو ساعتونو وروسته پای ته ورسېده.
سرچينې د سپینې ماڼۍ د یوه چارواکي له قوله ويلي، چې ټرمپ به یوازې هغه هوکړه ومني چې د امریکا په ګټه وي او د هغه ټاکلې سرې کرښې پوره کړي او ایران به هېڅکله پرې نه ږدي چې اټومي وسله ولري.
له دې ناستې څو ساعته وروسته د جګړې (دفاع) وزیر پیټ هېګسېت ویلي، چې که د تهران د اټومي پروګرام په اړه مذاکرات ناکام شي، د امریکا پوځ چمتو دی چې پر ایران بیا پوځي بریدونه پیل کړي.