نړۍوالو رسنیو راپور ورکړی، چې روسیې نن (پنجشنبه) سهار وختي د ډرون الوتکو او بالستیک توغندیو پر مټ د اوکراین پر پلازمېنه کيیف پراخ بریدونه کړي.
ویل شوي، دغو بریدونو کې لږ تر لږه اته کسان وژل شوي او شاوخوا ۴۰ نور ټپیان دي.
د دغو بریدونو له امله دغه راز لسګونه استوګنیزې ودانۍ زیانمنې شوي او د ښار په ځینو برخو کې اورلګېدنې هم رامنځته شوې دي.
روسي چارواکو ویلي، دغه بریدونه د روسیې پر ملکي اهدافو د اوکراین ورستیو ډرون بریدونو ته په غبرګون کې ترسره شوي دي.