د يمن د انصارالله (حوثيانو) بهرنیو چارو وزارت د یوې اعلامیې په خپرولو سره پر ایران د امریکا او اسرائیل دوامداره بریدونه غندلي او له دغه هېواد څخه یې د ملاتړ ترڅنګ ټینګار کړی.
حوثيانو ويلي، چې د “مقاومت محور” او “د جبهو یووالي” په چوکاټ کې له ایران سره نږدې همغږي لري.
په اعلامیه کې همداراز د ځان دفاع د ایران قانوني حق بلل شوی او خبرداری ورکړل شوی چې دا بریدونه به نه یوازې پر تېري کوونکو، بلکې پر نړیوال اقتصاد هم بدې اغېزې وکړي.