عربي پوسټ خبر ورکړی، چې د غزې تړانګې د مرکزي برخې په نصیرات سیمه کې د کډوالو په یوه کمپ کې د جنازې پر مراسمو د اسراییلي رژیم د بېپیلوټه الوتکې د برید له امله اووه فلسطینیان شهیدان او شل نور ټپیان شوي دي.
د العوده روغتون ویلي، چې قربانیان او ټپیان د یاد برید له ځایه روغتون ته لېږدول شوي دي.
یادې رسنۍ ته عیني شاهدانو ویلي، برید هغه مهال ترسره شو چې خلک د یوه فلسطیني شهید د جنازې په مراسمو کې راټول شوي وو. د دوی په وینا، دغه شهید تر دې وړاندې د اسراییلي رژیم په یوه بل برید کې شهید شوی و او تازه برید د جنازې ګډونوال او لارویان په نښه کړل.
بلخوا د غزې د حکومت د رسنیو دفتر ویلي، چې د اسراییلي رژیم پوځ په تېرو ۷۲ ساعتونو کې له ۲۵ څخه ډېر فلسطینیان د جنازو، بازارونو، ملکي غونډو او کورونو د په نښه کولو په ترڅ کې شهیدان کړي دی.
یاد دفتر دغه بریدونه د غزې د اوسېدونکو پر وړاندې د «منظمې ترهګرۍ» دوام بللی دی.