د سترې محکمې مطبوعاتي دفتر خبر ورکړی، چې د دې محکمې قاضيالقضات، شیخ عبدالحکیم حقاني، د کابل ښاري ابتدائیه محکمې د ۱۰ زونونو له مسؤولینو سره کتلي او د عدالت د تأمین، اخلاص، امانتدارۍ، د مظلوم د حق دفاع او له مراجعینو سره د ښه چلند په اړه یې لازمې لارښوونې ورته ترسره کړې دي.
ښاغلي حقاني، قاضيانو ته په خطاب کې ويلي، چې د قضا موخه باید د الله تعالی د احکامو پلي کول، د ظالم مخنیوی او د مظلوم ملاتړ وي.
نوموړي له له قاضیانو غوښتي، چې خپلې دندې په اخلاص، امانتدارۍ او له مراجعینو سره په ښه چلند ترسره کړي.