د فارس خبري اژانس د راپور له مخې، ایران خبرداری ورکړی چې که امریکا یا اسرائیل پر دغه هېواد نوي بریدونه ترسره کړي، نو تهران به د سیمې د تیلو او ګازو مهمې زېربناوې په نښه کړي.
د راپور له مخې، د ايران په احتمالي هدفونو کې د سعودي عربستان د غوار د تیلو ستره ساحه، د ابقیق او خریس د تیلو تاسیسات، د متحده عربي اماراتو د رویس تصفیهخانه او د زاکوم د تیلو ساحه، د قطر د شمالي غدیر د ګازو ساحه او د راس لافان د مايعګازو تاسيسات شامل دي.
پر دې سربېره، د کویټ د برګان د تیلو ساحه، د بحرین سیترا تصفیهخانه او د اسرائیل د لیویاتان او تامار د ګازو ساحې هم د ايران په احتمالي هدفونو کې شاملې دي.